|
KPM apin bisi perambu nyendiaka servis Starlink ba sekula di menua ulu KUCHING: Opis Menteri Pelajar Malaysia (KPM) apin bisi perambu nyendiaka servis Starlink ba sekula di menua ulu nyengkaum dalam Kunsil Nengeri (DUN) Meluan.
Sapit Menteri Pelajar, Inovesyen enggau Pemansang Bakat Datuk Francis Harden Hollis madah, ke diatu sekula di menua ulu ngena servis ti disediaka kompeni telekomunikesyen.
“Ke diatu, Opis Menteri Pelajar Malaysia (KPM) apin bisi perambu nyendiaka servis Starlink laban KPM agi bisi kunterik servis enggau kompeni telekomunikesyen nyentuk 30 Jun 2024.
“Di SK Ulu Entabai, SK Ng Ju, SK Ng Maong, SK Ng Ensiring, SK Ng Jambu ke diatu, servis internet iya nya ngena servis kompeni telekomunikesyen ti udah dichiri,” ku iya madah maya sesi tanya enggau saut maya aum DUN Sarawak, kemari.
Iya nyaut tanya ari Rolland Duat Jubin (GPS – Meluan) ti deka nemu sekalika bisi perambu nyendiaka servis Starlink ba sekula di Meluan.
Lebuh ditanya Rolland tikas servis internet ba sekula nya di Meluan, Harden madahka tikas servis internet sekula nya kelebih agi, ngemuaska ati.
Taja pia ku Harden, servis satelit mega bisi maya tekeruga ketegal mayuh faktor ti enda ulih diseliahka baka gaya hari.
“Semina SK Ng Ensiring ti enda bulih servis tauka bungkur internet ti enda ngemuaska.
“Naka ke diatu, sekula ulih ngena internet-in-a-box nengah komputer Raspberry Pi ti disediaka opis menteri aku.
“Ungkup timpuh panjai, KPM deka bebendar ngulihka bungkur tauka servis ba sekula nya,” ku iya lebuh ti nyaut tanya tambah ari Rolland.
https://www.utusanborneo.com.my/2023/11/22/kpm-apin-bisi-perambu-nyendiaka-servis-starlink-ba-sekula-di-menua-ulu
| 
Post time 31-3-2023 10:31 PM
Post time 6-4-2023 11:57 AM
Author
